Policia jep detaje për incidentin të selia e PDK-së

Aktuale

Policia jep detaje për incidentin të selia e PDK-së

Më: 17 qershor 2019 Në ora: 12:28
Ilustrim

Përfaqësues të shoqërisë civile janë përplasur sot me sigurimin e selisë së Partisë Demokratike të Kosovës të cilët me dhunë kanë larguar ata nga oborri i objektit të kësaj partie.

Punëtorët e sigurimit të PDK-së nuk kanë lejuar shoqërinë civile të vendosin pankartat tek selia e tyre, të cilat ishin pjesë e një aktiviteti në kuadër të fushatës së 100 organizatave të shoqërisë civile për kundërshtimin e Projektligjit për Financimin e Subjekteve Politike.

Madje të njëjti kanë përdorur edhe dhunë për t’i larguar ata, për dallim nga partitë e tjera që sipas shoqërisë civile nuk kanë pasur ndonjë reagim të ngjashëm.

Zyrtarët e Policisë së Kosovës kanë diskutuar me përfaqësuesit e shoqërisë civile duke iu thënë që nëse kanë ankesa për dhunën e ushtruar nga sigurimi, të paraqiten në stacionin policor për të dhënë deklaratat e tyre.

commentFirst article
Sot mund të lexoni Shfletoni kopertinat