Deputeti nga radhët e Lëvizjes Vetëvendosje ka folur për deklaratat e presidentit Hashim Thaçi për bashkim kombëtar në emisionin DPT te Fidani në T7.
Selimi thotë se çështja e bashkimit kombëtar nuk guxon të përdoret si kërcënim.
“Bashkimi Kombëtar duhet të jetë një qëllim që nuk pengon Bashkimin Europian dhe integrimet europiane”, ka thënë Selimi.
“Ai nuk e ka qëllim bashkimin kombëtar. Unë ju siguroj se ai nuk e ka qëllim këtë. Ai e lufton atë”
Tutje Selimi thotë se për këtë ka fakte për këtë.
Ai tregon se ku ka mbetur çështja kombtare që nga ardhja e Thaçit në pushtet në vitin 2007.
“Sot luftohet në aspektin simbolik çdo shenjë kombëtare. Ai është munduar të krijojë një komb të ri në Kosovë e dihet se në Kosovë shumicën dërmuese ë përbëjnë shqiptarët”, ka thënë deputeti.
“Ata kanë shfrytëzuar vullnetin e qytetarëve për pavarësi kundër Shqipërisë e jo kundër Serbisë”