Edhe deputetja e Lidhjes Demokratike të Kosovës, Lirije Kajtazi ka kritikuar qeverinë aktuale të udhëhequr nga Ramush Haradinaj.
Ajo në një prononcim për “Bota sot” thotë se kjo qeveri ka ikur nga temat esenciale që janë në mandatin e saj, për t’ia lëshuar vendin, Presidentit aktual, Hashim Thaçit. Sipas Kajtazit, kjo qeveri do të bie nga skandalet.
“Kjo qeveri ka ikur nga temat esenciale të cilat i ka mandat kushtetues, për t’i lëshuar vend një presidenti kauboj. Po ashtu kjo qeveri skajshëm po keqpërdor buxhetin duke varfëruar vendin dhe po shkatërron imazhin e Kosovës. Populli i Kosovës nuk e meriton këtë format, kjo qeveri do bie nga skandalet, e qytetarët duhet ta zgjedhin atë që mendon për ta”, thotë deputetja e LDK-së, Lirije Kajtazi.