Ismaili: Veseli me vendimin e tij dha një mesazh se çfarë e pret Kosovën me këtë udhëheqje të PDK-së

Aktuale

Ismaili: Veseli me vendimin e tij dha një mesazh se çfarë e pret Kosovën me këtë udhëheqje të PDK-së

Më: 20 qershor 2019 Në ora: 21:58
Nënkryetari i Partisë Demokratike të Kosovës (PDK), Uran Ismaili

Nënkryetari i Partisë Demokratike të Kosovës (PDK), Uran Ismaili ka thënë se Veseli ka bërë hapin e parë duke i hapur rrugë drejtësisë të veprojë.

Ismaili, në “Debat Plus” me Ermal Pandurin në RTV Dukagjini, ka thënë se veprimi i Kadri Veselit për largimin e zyrtarëve që kanë akuza të konfirmuara ka për qëllim forcimin e PDK-së.

“Ky shihet një vullnet i mirë i kryetarit Veseli pasi janë ndryshuar të gjitha strukturat në PDK, nga nëndegët deri të kryetari. Ky ishte një mesazh se çfarë e pret Kosovën me këtë udhëheqje të PDK-së”, tha ai, përcjell Telegrafi.

Nënkryetari i Partisë Demokratike të Kosovës (PDK), ka thënë se procesi i luftimit të krimit dhe korrupsionit nuk bëhet me një ditë por sipas tij Veseli hapin e parë të rëndësishëm tashmë e ka bërë.

Ismaili ka thënë pavarësisht largimit nga PDK, ato figura nuk bën të damkosen dhe drejtësia duhet ta bëj punën e vet sa më parë pasi sipas tij “drejtësia e vonuar është drejtësi e mohuar”.

“PDK bëri hapin e parë duke krijuar hapësirën. Le të veprojë drejtësia dhe le ta merr fjalën e fundit që nëse ata persona kanë bërë shkelje ligjore të dënohen, në të kundërtën të mos damkosen ata dhe familjet e tyre”, tha ai.

Ministri i Shëndetësisë ka thënë se Veseli veproi vetëm dy ditë pasi kishte bërë premtimin e madh dhe sipas tij shumë njerëz kishin pasur dyshime.

commentFirst article
Sot mund të lexoni Shfletoni kopertinat