Zëvendëskryeministri dhe ministri i Punëve të Jashtme, Behgjet Pacolli në rezidencën e tij ka pritur Miroslav Lajçak, ministër i Punëve të Jashtme, Çështjeve Evropiane dhe kryesues i rradhës të OSBE-së dhe ekipin e tij, me të cilin ka diskutuar për çështjet me rëndësi jo vetëm në lidhje me vendet tona, por të gjithë rajonin.
Pacolli ka shkruar në Facebook se OSBE është një partner i rëndësishëm i Kosovës dhe misioni i tyre në Kosovë gjatë dhe pas luftës ka luajtur një rol historik për Kosovën.
“Pas një programi shumë të zënë dhe të suksesshëm në Afrikë, u ktheva në Kosovë për të mirëpritur miqtë dhe partnerët tanë nga Republika Sllovake. Në rezidencën time kisha nderin të pres Miroslav Lajçák, Ministrin e Punëve të Jashtme, Çështjeve Evropiane dhe Kryesuesin e rradhës të OSBE-së dhe ekipin e tij. Ne diskutuam për çështjet me rëndësi jo vetëm në lidhje me vendet tona, por të gjithë rajonin. OSBE është një partner i rëndësishëm i Kosovës dhe misioni i tyre në Kosovë gjatë dhe pas luftës ka luajtur një rol historik për Kosovën”, ka shkruar ai.
