Organizatat e shoqërisë civile kanë protestuar edhe sot kundër projektligjit për financim të subjekteve politike.
Ata kanë kërkuar edhe një herë që projektligji për financimin e partive politike të mos kalojë.
Lidhur me këtë ngjarje ka reaguar Kryeministri I vendit, Ramush Haradinaj i cili shkroi në rrejtin social Facebook, se në mbledhjen e radhës të Qeverisë së Republikës së Kosovës të merret vendim për tërheqjen e këtij projektligji nga Kuvendi i Kosovës.
Postimi I plotë:
Pas shqetësimeve të ngritura nga Shoqëria Civile sa i përket ndryshimeve që i janë bërë Projektligjit për Financimin e Partive Politike, gjatë punës në Komisionet Parlamentare, kam propozuar që në mbledhjen e radhës të Qeverisë së Republikës së Kosovës të merret vendim për tërheqjen e këtij projektligji nga Kuvendi i Kosovës.
Duke e ditur rëndësinë që ka ky Projektligj, për zhvillimin e demokracisë në vend, nevojës së transparencës në funksion të politikbërjes dhe përfshirjes së të gjitha palëve në krijimin e tij, tërheqja e projektligjit dhe ridërgimi i tij, me bazë të mirë ligjore dhe demokratike, është veprim i duhur!
RH
