Kryeministri i Kosovës, Ramush Haradinaj, në një postim në Facebook ka njoftuar se sot ka pasur një takim me kryeparlamentarin Veseli, ku i ka treguar këtij të fundit ecurinë e takimit në Berlin, ku prezent ishin pala serbe.
Haradinaj thotë se ky takim kishte për qëllim evidentimin e zbatimit të marrëveshjeve nga dialogut teknik, përcjellë “Bota sot”.
Njoftimi i plotë i Haradinajt:
Prita në takim Kryetarin e Kuvendit të Republikës së Kosovës, z.Kadri Veseli me të cilin biseduam për zhvillimet e fundit politike në vend. E njoftova z.Veselin për ecurinë e takimit në Berlin në mes përfaqësuesve të Zyres së Kryeministrit, Kancelares Merkel, Presidentit Macron dhe palës serbe.
Ky takim kishte për qëllim evidentimin e zbatimit të marrëveshjeve nga dialogut teknik dhe çka duhet të bëhet në vazhdim. Në këtë takim Kosova i ka raportuar Berlinit zyrtar që Kosova i ka zbatuar të gjitha marrëveshjet e Brukselit dhe është e gatshme të vazhdojë këtë dialog, tashmë të kornizuar që çon në një marrëveshje finale, ligjërisht të obligueshme dhe që rezulton me njohje reciproke në kufijtë ekzistues.
