Gjatë të ditës së premte u bë e ditur nga kabineti i presidentit të Francës, Emmanuel Macron, se nuk do të ketë takim në mes përfaqësuesve të Kosovës dhe Serbisë, i cili ishte paralajmëruar të mbahej me 1 korrik në Paris.
Gjatë ditës së sotme, presidenti i Kosovës, Hashim Thaçi dhe kryeministri i Kosovës, Ramush Haradinaj bënë akuza të ndërsjellat.
Fillimisht, Thaçi shkruajti në Facebook se “se vendimet dhe veprimet e nxituara, të pakoordinuara dhe të gabuara strategjikisht të institucioneve shtetërore të Republikës së Kosovës, kanë dëmtuar rëndë respektin dhe mbështetjen e partnerëve tanë perëndimorë për Kosovën”.
Në të njëjtën platform, ju kundërpërgjigj Haradinaj i cila shkruajti se “ishte gabim që sovraniteti dhe integriteti territorial i Republikës së Kosovës të paraqitej si pjesë e dialogut me Serbinë”, si dhe “dëmi që i është shkaktuar Kosovës duke bërë pazar me sovranitet dhe integritet është i madhe”.
Analisti politik, Faik Krasniqi, në një bashkëbisedim për “Bota sot”, e ka mirëpritur dështimin e samitit të Parisit, pasi që është parandaluar skenari për ndarjen e Kosovës.
“Mirë është dështoi Samiti i Parisit. Dështimi i këtij Samiti në njëfarë mënyrë edhe parandaloi skenarin e ndarjes se Kosovës”, ka thënë ai për “Bota sot”.
Kurse, për akuzat e Thaçit dhe Haradinajt ndaj njëri tjetrit, Krasniqi ka thënë se këto janë konsum të brendshëm politik.
“Akuzat e kundërakuzat e presidentit dhe kryeministrit, janë thjesht për konsum të brendshëm politik. Edhe presidenti, edhe kryeministri janë fajtore për akuzat e bëra!”, ka përfunduar Krasniqi për “Bota sot”