Deputeti i LDK-së, Ramiz Kelmendi, në emisionin “Personale” me Krenare Vokshi-Shala në RTV Dukagjini ka thënë se nëse Vetëvendosje nuk ndryshon politikat ekonomike, nuk mund të vjen në pushtet.
Kelmendi ka thënë se me Vetëvendosjen nuk pajtohen reciprokisht, pasi me këtë të fundit ka koncepte të kundërta ekonomike ndërsa thotë se për politike nuk e paragjykon.
Ai thotë se pa ndryshuar qëndrimet për politikat ekonomike vështirë se Vetëvendosje mund të vjen në pushtet.
Deputeti i LDK-së ka thënë Vetëvendosje po rritet për shkak se partitë qeveritare dhe partitë tjera në Kosovë po imponojnë diktate duke u dhënë përparësi militantëve e jo atyre që kanë aftësi.
“Mungesa e vendeve të punës po i shtynë këta qytetarë të rrëzojnë këtë qeveri pavarësisht se në pushtet mund të vij dikush tjetër i keq, por më pak se këta që janë në pushtet”, tha ai, përcjell Telegrafi.
Kelmendi ka thënë se LDK e Vetëvendosje mund të bëjnë marrëveshje dhe ai nuk mund ta ndryshojë atë marrëveshje pasi sipas tij “LDK-së i ka mbetur vetëm Vetëvendosje pasi me PDK-në është prishur moti”, tha ndër të tjera Ramiz Kelmendi.
