Deputetja e Lëvizjes Vetëvendosje, Albulena Haxhiu, thotë se ndërrmarja publike Telekom duhet të rimëkëmbet dhe kjo ndodhë vetëm me anulimin e kontratave të tilla abuzive që janë me qindra sosh të cilat duhet të zhvleftësohen sa më parë.
Ajo përmes një postimi në Facebook, thekson se për vite me radhë, Lëvizja Vetëvendosje, ka kërkuar ndërprerjen e kontratës abuzive me Zmobile, kontratë që sipas saj, i ka sjellë dëme të mëdha Telekomit të Kosovës.
Ja postimi i saj:
Për vite me radhë, Lëvizja VETËVENDOSJE!, ka kërkuar ndërprerjen e kontratës abuzive me Zmobile, kontratë kjo që i ka sjellë dëme të mëdha Telekomit të Kosovës. Të njëjtën kërkesë e kishin edhe mijëra punëtorë të Telekomit.
Vendimi për mosvazhdimin e kontratës me ZMobile është vendim i drejtë, i duhur dhe në mbrojtje të interesit publik. Ndërrmarja publike Telekom duhet të rimëkëmbet dhe kjo ndodhë vetëm me anulimin e kontratave të tilla abuzive që janë me qindra sosh të cilat duhet të zhvleftësohen sa më parë.
