Kryeministri i Kosovës, Ramush Haradinaj, nëpërmjet një deklarate publike ka thënë se institucionet e zbatimit të ligjit kanë marrë veprime konkrete në parandalimin e të aktiviteve të paligjshme në vend, shkruan “Bota sot”.
Postimi i plotë i Haradinajt:
Institucionet e zbatimit të ligjit kanë ndërmarrë veprime konkrete në parandalimin dhe luftimin e të gjitha aktiviteteve të paligjshme ndërkufitare në zonën e rripit të gjelbër që kufizon në pjesën veriore Kosovën dhe Serbinë. Asnjë skenar mashtrues ose lajm i rremë nuk do të ndikojë që institucionet kredibile dhe të ligjshme të Kosovës të heqin dorë nga misioni i tyre për zbatimin dhe sigurimin e sundimit të ligjit në të gjitha pjesët e Kosovës, përfshirë zonën e rripit të gjelbër në veri ku edhe kufizohet Republika e Kosovës me Serbinë.