Deputeti i Vetëvendosjes Adem Mikullovci, ka deklaruar se projektligji për Tatimin në të Ardhurat e Korporatave duhet të kalojë gjithsesi, madje ai ka thënë se duhet të bëhet obligative që korporatat të japin para për sportistët.
Mikullovci: Ky ligj duhet të kalojë gjithsesi
“Ky ligj duhet të kalojë gjithsesi, por është puna tek formulimi që mua nuk po më pëlqen që a duhet me e përmirësua një gjë. Atje thotë u mundësohet, iu lejohet korporatave, kompanive me e sponsorizua projekte sportive e kulturore, jo iu lejohet po duhet me e bë obligative, është e domosdoshme me dhënë 30 përqind për sport dhe për kulturë. Ai ato pare edhe ashtu i jep, edhe ashtu ato para kanë me shkua dhe ato tre milionë, katër milionë tatim që i paguan 30 përqind me qenë obligative, e jo i mundësohet”, tha ai.