Një muaj kanë kaluar që nga telefonata e cila i trazoi institucionet e sigurisë në Kosovë.
Saktësisht më 24 maj të këtij viti, një telefonatë e ardhur në Policinë e Kosovës kërcënonte me bombë Këshillin Gjyqësor të Kosovës e Prokurorinë Speciale.
Pas më shumë se katër orë e gjysmë kërkimesh nga Njësite të Ndryshme të Policisë së Kosovës, në objektet në fjalë nuk ishte gjetur diçka e dyshimtë.
Por, një muaj më pas, hetimet për gjetjen e personit të cilit e kreu telefonatën nuk kanë dhënë ndonjë rezultat.
Kjo është konfirmuar nga një përgjigje dhënë nga Policia e Kosovës për lajmin.
Ata kanë bërë të ditur se janë dukei bashkërenduar veprimet hetimore me Prokurorinë Speciale, për mundësinë e identifikimit të të dyshuarve.
“Lidhur me rastin e kanosjes përmes thirrjes telefonike në Këshillin Gjyqësor tëKosovës, ju njoftojmë se në këtë fazë, në koordinim me prokurorinë speciale janë duke u kryer veprimet hetimore operative për mundësinë e identifikimit të tëdyshuarit/ve të mundshëm”, kanë thënë nga Policia e Kosovës.
Prokuroria Speciale e Kosovës në deklarimin për media që kishte bërë lidhur me rastin në fjalë, kishte treguar se kërcënuesi, i është referuar këtij institucioni si Gjykata Speciale.
Kërkimet kishin zgjatur afër pesë orë, ndërkaq që ishin bllokuar rrugët kryesore të kryeqytetit.
