Deputeti i Kuvendit të Kosovës nga radhët e Aleancës për Ardhmërinë e Kosovës, Blerim Kuçi, ka folur për dialogun mes Kosovës dhe Serbisë, për arritjen e një marrëveshjeje gjithëpërfshirëse përfundimtare për paqe mes dy vendeve.
Kuçi ka thënë në emisionin “DPT Te Fidani”, se nuk mund të ketë kurrfarë marrëveshje me Serbinë, pa mbështetjen e opozitës së vendit.
“Pa opozitë, marrëveshje me Serbinë nuk ka”, është shprehur ai.
Kuçi ka theksuar se një marrëveshje e tillë kërkon dy të tretat e votave për të kaluar në Kuvendin e Kosovës. Kjo, sipas tij, s’arrihet dot pa opozitën.
“Jo sot, edhe një mandat tjetër, edhe pas dy mandateve, s’ka mundësi të kalohen marrëveshjet ndërkombëtare pa opozitën”, ka deklaruar ai.
