Dy deputetë të PDK-së në hapje të partisë së Milaim Zekës

Aktuale

Dy deputetë të PDK-së në hapje të partisë së Milaim Zekës

Më: 29 qershor 2019 Në ora: 13:31
Milaim Zeka, Nait Hasani

Dy deputetët e Partisë Demokratike të Kosovës (PDK), Nait Hasani dhe Ganimete Musliu kanë marrë pjesë në promovimin e Partisë Euroatlantike të Kosovës (PEK), të cilën e themeloi deputeti i akuzuar për mashtrim, Milaim Zeka.

Deputeti Nait Hasani ka thënë se ende do vazhdojë të jetë pjesë e PDK-së, por për shkak të raporteve që ka me Milaim Zekën, ka dashur të jetë pjesëmarrës në promovimin e partisë së kolegut të tij.

Në promovimin e PEK-ut, ka marrë pjesë edhe deputetja tjetër e Kuvendit të Kosovës nga komuniteti boshnjak, Emilia Redzepi.

Në një sallë me shumë pak persona prezent në ambientet e një hoteli në Prishtinë, deputeti i akuzuar për mashtrim, Milaim Zeka, ka prezantuar sot partinë e tij të re, PEK.

Promovimi i Partisë Euroatlantike të Kosovës (PEK) ka nisur me fjalimin e Hysen Gecajt, një ish-ushtaraku, i cili ka thurur lavde për Milaim Zekën.

Sipas një njoftimi të PEK, partia më e re do të angazhohet për luftimin e hajnisë në Kosovë.

commentFirst article
Sot mund të lexoni Shfletoni kopertinat