Deputeti i LDK-së, Anton Quni u zgjodh kryetar i degës së LDK-së në Prizren. Dega e LDK-së në Prizren, dje pasdite mbajti Kuvendin e IX zgjedhor, ku nga 99 delegatët 54 prej tyre kanë zgjedhur Qunin, për kryetar të ri të këtij subjekti politik në Prizren. Kundërkandidati i tij, Driton Selmanaj, mori gjithsejtë 45 vota.
E, sot deputeti Driton Selmanaj përmes një postimi në llogarinë e tij në Facebook, ka uruar Qunin për pozitën e re, ndërsa, thotë se kapaciteti i tij do të jetë në dispozicion të LDK-së në Prizren kudo dhe kurdo që kërkohet.
“Normalisht në fund gara e nxjerrë vetëm një fitues dhe Delegatët vendosën që besimin tia japin konkurentit tim z. Quni. Nga fitorja e madhe që u kurorëzua i gjithē procesi, kultura demokratike e anëtarësisë, gara fer dhe korrekte mes nesh, nxjerrë përfundimin që ky proces nuk nxori humbës, por fitues jemi të gjithë. Z. Quni i uroj suksese dhe gjitha të mirat në udhëheqjen e Degës së LDK-së në Prizren. Unë në kapacitetin tim do jem në dispozicion të LDK-së kudo dhe kurdo që kërkohet nga unë”, shkruan Selmanaj në Facebook.
Ja shkrimi i tij:
Të nderuar anëtarë e simpatizantë të Degës së LDK-së në Prizren,
Pas një periudhe dy mujore mbrëmë i përfunduam zgjedhjet e brendshme në degën e LDK-së në Prizren. Gjatë kësaj periudhe kam takuar dhe biseduar me qindra aktivistë të LDK-së, të cilët e them me bindje më bënë krenar që jam pjesë e juaja.
E rëndësishme është se i gjithë ky proces zgjedhor u karakterizua me një atmosferë të qetë, demokratike dhe mjaft kompetitive mes meje dhe kolegut tim të nderuar Anton Quni.
Normalisht në fund gara e nxjerrë vetëm një fitues dhe Delegatët vendosën që besimin tia japin konkurentit tim z. Quni.
Nga fitorja e madhe që u kurorëzua i gjithē procesi, kultura demokratike e anëtarësisë, gara fer dhe korrekte mes nesh, nxjerrë përfundimin që ky proces nuk nxori humbës, por fitues jemi të gjithë.
Z. Quni i uroj suksese dhe gjitha të mirat në udhëheqjen e Degës së LDK-së në Prizren. Unë në kapacitetin tim do jem në dispozicion të LDK-së kudo dhe kurdo që kërkohet nga unë.
Suksese dhe na priftë e mbara!