Astrit Zemaj, zëvendës ambasador i Kosovës në Berlin, ka publikuar disa fotografi të rralla të kolonelit Tahir Zemaj.
Në këto foto, koloneli Zemaj shihet i veshur me rroba të Ushtrisë Çlirimtare të Kosovës, së bashku me pjesëtarë të tjerë në bjeshkë, përcjell Bota sot.
Zemaj, pos fotografive, kolonelit i ka kushtuar edhe poezi, të cilën mund ta lexoni më poshtë:
Koloneli i Bjeshkëve t'bardha
Vjen ushtria rënda - rënda;
N'ballë t'brigadave Tahir Zema;
Amanet e kish prej motit;
Si në kohë të Kastriotit.
Lum Shqipëri he të qofsha falë;
Në ballë t'ushtrisë po të prinë një djalë;
Në Betejë të Logjës e të Dukagjinit;
Në ballë të ushtrisë Komandant Tahiri.
Një pikë gjak mbi çdo gur të strallit;
Një plis t'bardhë për çdo lis mali.
Se nga Strellci po vijnë t'fala;
Koloneli i Bjeshkëve t'bardha
Nuk duron toka kambë t'armikut;
Priti djemt e Dukagjinit;
Nuk mban toka krajl - vojvoda;
Me mu jam djemt nga krejt Kosova.
Ty Kosovë të kemi nanë;
Në n'gji tëndin sot e mbanë një djalë.
Trim në luftë e hero në liri;
Tahir Zema të qoftë lavdi.
Astrit Zemaj 01 Korrik 2019
