Presidenti i Kosovës, Hashim Thaçi, ka marrë vendim të mos e pranojë ftesën e kryetarit të Republikës Serbe të Bosnjës dhe Hercegovinës, Milorad Dodik për të vizituar vendin javën e ardhshme me rastin e Samitin e Procesit të Bashkëpunimit të Evropës Juglindore (SEECP).
Pas diskutimeve të gjata, siç shkruan mediumi boshnjak Klix, Thaçi vendosi të mos udhëtojë në Bosnjë e Hercegovinë duke insistuar në qëndrimin se zyrtarisht Sarajeva duhet së pari ta njohë pavarësinë e Kosovës.
Edhe muajin e kaluar, presidenti i Kosovës nuk pranoi të merrte pjesë në konferencën vjetore të EBRD-së që u mbajt në Sarajevë.
Edhe asokohe, ai përmendi faktin se Bosnjë dhe Hercegovina nuk e njohu Kosovën si një arsye për dështimin.