Deputeti Milaim Zeka, ka thënë se Kosova është vendi i vetëm në Evropë ku rrogat në punët e shtetit janë disa herë më të larta se ato në sektorin privat, përcjell Bota sot.
Ai thotë se deputetët, qeveritarët e shërbyesit civilë jetojnë nga sektori privat dhe të gjitha këto po ndikojnë në ikjen masive të qytetarëve nga Kosova, gjë që nuk i shqetëson aspak drejtuesit e shtetit.
Përmes një postimi në llogarinë e tij në Facebook, Zeka ka thënë se Vuçiq sikur e ka të koordinuar politikën e tij me atë të Prishtinës, derisa thotë se kriza në veri po ju konvenon të dy palëve.
Postimi i tij i plotë:
Kosova eshte i vetmi vend ne Europe ku rrogat ne punet e shtetit jane disa here me te larta se sa ato ne sektorin privat. Te gjithe deputetete, qeveritar e sherbyes civil jetojme nga sektori privat, te cilin e hame dhe e shkaterrojme cdo dite permes doganave, taxave, e mbi te gjitha haraçin dhe byrokracine e dores te shtetit.
Krejte keto pengesa po ndikojne ne ikjen masive te qytetareve nga ky vend. Kjo nuk po i shqeteson aspak drejtuesit e shtetit. Vuçiqi ban be e ka te kordinueme politiken e tije me ate te Prishtines. Shikojeni krizen ne veri. Dy paleve po ju konvenon..,
Duhet me dite qe shteti duhet me mendu te keta njereze...!