I arrestuari në rastin e patentë shoferëve, zyrtar i AAK-së - Bota Sot
I arrestuari në rastin e patentë shoferëve, zyrtar i AAK-së

Aktuale

I arrestuari në rastin e patentë shoferëve, zyrtar i AAK-së

Më: 7 korrik 2019 Në ora: 19:34
Foto ilustrim

Edhe një zyrtar i Aleancës për Ardhmërinë e Kosovës është duke u dyshuar për keqpërdorim të detyrës zyrtare.

Bëhet fjalë për Haki Jasharin, i cili njëherësh është edhe drejtori i Qendrës kryesore familjare në Obiliq, komunë kjo e udhëhequr nga Xhafer Gashi i AAK-së.

Këtë, për Kohavisionin e ka konfirmuar edhe nënkryetari i kësaj komune.

Duke folur për masat që do të ndërmerren ndaj Jasharit, Mjekiqi ka thënë se i njëjti nuk do të amnistohet dhe se do të veprohet në përputhje me ligjin.

Derisa Jashari dhe të arrestuarit e tjerë ndodheshin në gjykatë, punëtorët e kësaj qendre të mjekësisë familjare, kanë thënë se i njëjti është në pushim dhe se do të kthehet në punë të hënën.

Sipas Prokurorisë, në mesin e të arrestuarve, përveç tre mjekëve, ka edhe zyrtarë të Ministrisë së Infrastrukturës, ndër të cilët edhe djali i dajës së kryeministrit Ramush Haradinaj.

Kujtojmë se Haki Jashari është në mesin e personave ndaj të cilëve prokuroria u tërhoq në kërkesën për paraburgim, derisa gjykata do të vendos brenda 48 orëve për masën ndaj 23 të dyshuarve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...