Krasniqi: Së shpejti votohet propozimi për gjykatë ndërkombëtare për krimet serbe në Kosovë - Bota Sot
Krasniqi: Së shpejti votohet propozimi për gjykatë ndërkombëtare për krimet serbe në Kosovë

Aktuale

Krasniqi: Së shpejti votohet propozimi për gjykatë ndërkombëtare për krimet serbe në Kosovë

Më: 9 korrik 2019 Në ora: 22:06
Memli Krasniqi

Shefi i Grupit Parlamentar të PDK-së, Memli Krasniqi, ka njoftuar se Komisioni ad-hoc për harmonizimin e qëndrimeve në lidhje me formimin e Komisionit Shtetëror për krijimin e Tribunalit për gjenocidin serb në Kosovë, për Muzeun e Gjenocidit, Memorialin e Dëbimit dhe caktimin e Ditës së Gjenocidit, pas disa mbledhjesh, sot ka përmbyllur punën e vetë.

Krasniqi, që ka qenë edhe kryesues i këtij komisioni ka thënë se dokumenti së shpejti do të dalë në votim në seancën e Kuvendit. Ai ka prezantuar edhe propozim-vendimin e harmonizuar me të gjitha partitë politike.

“Komisioni ad-hoc për harmonizimin e qëndrimeve në lidhje me formimin e Komisionit Shtetëror për krijimin e Tribunalit për gjenocidin serb në Kosovë, për Muzeun e Gjenocidit, Memorialin e Dëbimit dhe caktimin e Ditës së Gjenocidit, pas disa mbledhjesh, sot ka përmbyllur punën e vetë”, ka thënë Krasniqi, njofton KK.

“Ky komision, që u formua pas iniciativës së Kryetarit të Kuvendit te Kosovës, Kadri Veseli, bëri hapin e parë në synimin tonë te përbashkët për të vendosur drejtësi ndërkombëtare për viktimat e gjenocidit të kryer nga Serbia në Kosovë”.

“Si kryesues i këtij Komisioni, dëshiroj të falënderoj të gjithë anëtarët, nga të gjitha partitë politike, për punën e palodhshme dhe kontributin konstruktiv në finalizimin e Propozim-Vendimit, të cilin do ta procedojmë për votim në një nga seancat e ardhshme të Kuvendit”.

“Dokumenti i harmonizuar është një bazë e mirë që Komisioni Shtetëror për krijimin e Tribunalit Ndërkombëtar për gjenocidin dhe krimet e tjera të kryera nga Serbia në Kosovë të formohet shpejt dhe të bëjë një punë efikase në arritjen e qëllimit tonë për të sjellë drejtësi për viktimat e gjenocidit dhe krimeve të tjera të kryera nga Serbia në Kosovë”, tha Krasniqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...