Kryeministri i Kosovës, Ramush Haradinaj ka pranuar se ka diskutuar në biseda telefonike me dy komikët rusë, por theksoi se diskutimi i tyre nuk ka pasur diçka të veçantë dhe se për këtë arsye nuk është bërë edhe shumë mediatike.
I pari i Qeverisë, po ashtu tha se ai në kanale të sigurta telefonike ka komunikuar dhe me ish-presidentin e Ukrainës.
Haradinaj gjithashtu ka komentuar video-incizimin e dy ditë më parë ku shprehen shqetësime nga ana e kryeministrit Zoran Zaev për ndryshim të kufijve në rajon, duke thënë se ato diskutime janë shqetësuese.
“Ne kemi qenë në dijeni se këto janë pikëpamjet e kryeministrit Zaev se ai është kudër ndryshimit të kufijve në rajon”, tha ai.
Për përmbylljen e dialogun me Serbinë, i pari i Qeverisë tha se zgjidhja e vetme është njohja reciproke.
“Kosova nuk ka arsye të ulet në tavolinë pa u diskutuar njohja e ndërsjellët në kufijtë ekzistues. Unë nuk do të pranoj që të diskutohen çështja e territorit apo kufijve”, tha ai.
Në lidhje me polemikat e zyrtarëve të AAK-së me Nismën Socialdemokrate, Haradinaj tha se kanë një raport të mirë dhe kjo nuk e rrezikon Qeverinë.
Për vizat, kreu i ekzekutivit tha se ende ka skepticizëm nga vendet anëtare të BE-së, por është premtuese nga ana e Gjermanisë.
Haradiaj gjithashtu tha se do të kërkojë që të hiqet kartoni i gjelbër për diasporën.