Kryetari i Kuvendit të Kosovës, Kadri Veseli ka bërë të ditur se sot ka pranuar një letër nga ish Sekretarja Amerikane e Shtetit, mikja e madhe e Kosovës, përcjell “Bota sot”.
Veseli këtë e ka bërë të ditur përmes një postimi në Facebook i cili ka shkruar se përmes kësaj letre konfirmon edhe një herë mbështetjen e parezervë për popullin e Kosovës.
Postimi i plotë:
Pranova sot një letër nga ish Sekretarja Amerikane e Shtetit, mikja e madhe e Kosovës, Madeleine Albright, përmes të cilës konfirmon edhe një herë mbështetjen e parezervë për popullin e Kosovës. Vendi ynë është krenar me aleancën e përhershme me Shtetet e Bashkuara të Amerikës dhe me miqtë anembanë botës, që i qëndrojnë gjithmonë pranë.