EULEX do të vazhdojë bashkëpunimin në çështjet me interes për Kosovën - Bota Sot
EULEX do të vazhdojë bashkëpunimin në çështjet me interes për Kosovën

Aktuale

EULEX do të vazhdojë bashkëpunimin në çështjet me interes për Kosovën

Më: 11 korrik 2019 Në ora: 16:38
Pamje nga takimi

Ministri i Drejtësisë, Abelard Tahiri, sot ka pritur në takim lamtumirës shefen e EULEX-it, Alexandra Papadopoulou.

Gjatë këtij takimi, ministri Tahiri ka vlerësuar lart mbështetjen që ka ofruar misioni EULEX dhe shefja e këtij misioni, duke krijuar një partneritet të ngushtë në perspektivën e fuqizimit të sundimit të ligjit në Republikën e Kosovës.

“Ka qenë një periudhë vendimtare për shkak të përfundimit të mandatit ekzekutiv të EULEX dhe kalimit të gjitha kompetencave në duart e institucioneve vendore, tranzicion ky për të cilin kemi pasur mbështetjen e plotë të Papadopoulou”, ka vlerësuar ministri Tahiri.

Ai theksoi se institucioni të cilin ai e drejton do të vazhdojë të bashkëpunojë me misionin e EULEX në rolin këshillëdhënës dhe monitorues, me qëllim të fuqizimit të sundimin e ligjit dhe zbatimit të reformave që janë ndërmarrë, përfshirë masat e agjendës “Drejtësia 2020”.

Ndërsa, Papadopoulou është shprehur se bashkëpunimi në fushën e drejtësisë gjatë mandatit të saj ka qenë i shkëlqyeshëm, duke theksuar njëkohësisht se EULEX do të vazhdojë të ketë bashkëpunim të përgjegjshëm në çështjet me interes për Kosovën.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...