Sot ka vdekur ish-kryetar dhe bashkëthemelues i Klubit të Prodhuesve të Kosovës, Astrit Shabani.
Ish-kryetari i Klubit të Prodhuesve ndërroi jetë në moshën 51 vjeçare.
Sipas njoftimit, sot bëhet varrimi i tij në ora 18:00 në fshatin Metehi të Podujevës.
Presidenti i Kosovës, Hashim Thaçi ka shkruar në Facebook se Astrit Shabani do ta kujtojmë përherë si njeri punëtor, i cili ishte i afërt dhe bashkëpunues me të gjithë.
“I kobshëm lajmi për vdekjen e hershme të Astrit Shabanit, ish-kryetar dhe bashkëthemelues i Klubit të Prodhuesve të Kosovës. Do ta kujtojmë përherë si njeri punëtor, i cili ishte i afërt dhe bashkëpunues me të gjithë. Ngushëllime të sinqerta familjes Shabani, Klubit të Prodhuesve të Kosovës, si dhe gjithë të afërmve dhe bashkëpunëtorëve të tij”, ka shkruar ai.
