Zëvendësministri i Mbrojtjes, Burim Ramadani, ka thënë se Kosova nuk do të dorëzohet në përrallën e territoreve, pasi nuk është ndërtuar për tu dorëzuar, përcjell Bota sot.
Përmes një postimi në llogarinë e tij në Facebook, ai ka thënë se opozita duhet të bëhet bashkë me kryeministrin në çështjet nacionale dhe në garantim të Kosovës së 17 shkurtit!
Postimi i tij i plotë në Facebook:
Dorëzimi pavarësisht mbi çfarë përrallash ndërtohet, mbetet vetëm dorëzim dhe asgjë tjetër.
Kosova nuk mund, nuk synon, nuk do të dorëzohet në përrallën e territoreve. Nuk është ndërtuar për t'u dorëzuar.
Kosova ekziston. Sovrane, e pavarur, e pandashme, unike, e patjetërsueshme.
Në këtë, duhet të jemi bashkë dhe aktiv.
Nuk mjafton që partitë opozitare të bëjnë vetëm spektatorin, por të bëhen bashkë me Kryeministrin në çështjet nacionale dhe në garantim të Kosovës së 17 shkurtit!
