Kusari-Lila në Kongresin Amerikan: Kërkon njohjen e Kosovës - Bota Sot
Kusari-Lila në Kongresin Amerikan: Kërkon njohjen e Kosovës

Aktuale

Kusari-Lila në Kongresin Amerikan: Kërkon njohjen e Kosovës

Nga: Bota Sot Më: 16 korrik 2019 Në ora: 19:10
Kusari-Lila në Kongresin Amerikan

Deputetja e Kuvendit të Kosovës, Mimoza Kusari - Lila, e cila po merr pjesë në Forumin e liderëve parlamentarë në Kongresin Amerikan në Washington, ka folur për të arriturat dhe sfidat e shtetit të Kosovës, ndërsa ju bëri thirrje deputetëve të shteteve pjesëmarrëse që nuk e kanë njohur Kosovën, ta njohin shtetin e ri demokratik të Evropës.

“Kosova është demokraci parlamentare për 18 vite dhe shtet i pavarur për 11 vite. Gjatë kësaj periudhe kemi pasur gjashtë palë zgjedhje parlamentare dhe sfidat tona lidhur me procesin, por gradualisht kemi përparuar në organizimin e procesit zgjedhor. Sfida e Parlamentit të Kosovës janë mbajtja e fokusit në proceset zhvillimore dhe stabiliteti politik e avancimi demokratik. E kemi kuptuar se nuk mund të kemi zhvillim të qëndrueshëm pa demokraci të qëndrueshme”, tha Kusari-Lila.

Deputetja Kusari - Lila në emër të delegacionit të Kosovës, falënderoi kongresmenët David Price (D) dhe Vern Buchanan (R), bashkëkryesuesit e programit për partneritet demokratik të Kongresit, si dhe përfaqësuesit e USAID, NDI dhe IRI, për ndihmën për zhvillimin e demokracisë në Kosovë.

 Gjithashtu, deputetja Kusari – Lila u bëri thirrje deputetëve të shteteve pjesëmarrëse që nuk e kanë njohur Kosovën, ta njohin shtetin e ri demokratik të Evropës.​

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...