Haradinaj për Ursula von der Leyen: Do të kthejë Kosovën në dinamikat e plota integruese evropiane - Bota Sot
Haradinaj për Ursula von der Leyen: Do të kthejë Kosovën në dinamikat e plota integruese evropiane

Aktuale

Haradinaj për Ursula von der Leyen: Do të kthejë Kosovën në dinamikat e plota integruese evropiane

Nga: A.M. Më: 16 korrik 2019 Në ora: 20:13
Ramush Haradinaj

Kryeministri i Kosovës, Ramush Haradinaj, e ka mirëpritur zgjedhjen e Ursula von der Leyen si presidente e re e Komisionit Evropian.

Ai në një postim në Facebook, ka shkruar se “Kam besim të plotë që Komisioni Evropian nën udhëheqjen e saj, do të kthejë Kosovën në dinamikat e plota integruese evropiane”

Postimi i plotë:

Mirëpres votimin e znj. Ursula von der Leyen, Ministres aktuale të Mbrojtjes së Gjermanisë, për pozitën e Presidentes së Komisionit Evropian.

Kam besim të plotë që Komisioni Evropian nën udhëheqjen e saj, do të kthejë Kosovën në dinamikat e plota integruese evropiane.

Dialogu në mes të Kosovës dhe Serbisë duhet të rifillojë pa kushte deri në arritjen e marrëveshjes për njohje reciproke në kufijtë ekzistues dhe besoj se Komisioni Evropian do të intensifikojë përpjekjet si pjesë të politikës së zgjerimit. Jemi të bindur që zonja Ursula von der Leyen do t’i qëndrojë besnike qëndrimit, për një Evropë unike dhe të fuqishme.

Republika e Kosovës, me gjithë specifikat dhe sfidat e saj, është e përkushtuar që të jetë kontribuese modeste dhe vlerë e shtuar përgjatë gjithë rrugëtimit të saj drejt Bashkimit Evropian.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...