Hoxhaj me delegacionin britanik: Kornizë kohore për dialogun dhe njohje reciproke në marrëveshjen finale - Bota Sot
Hoxhaj me delegacionin britanik: Kornizë kohore për dialogun dhe njohje reciproke në marrëveshjen finale

Aktuale

Hoxhaj me delegacionin britanik: Kornizë kohore për dialogun dhe njohje reciproke në marrëveshjen finale

Më: 17 korrik 2019 Në ora: 12:35
Pamje nga takimi

Zëvendëskryeminisrti Hoxhaj takohet me delegacionin britanik, temë kryesore dialogu i Kosovës me Serbinë

Zëvendëskryeministri i Republikës së Kosovës, Enver Hoxhaj, ka pritur sot në takim delegacionin britanik, Andreë Page, Shef i Departamentit për Ballkanit Perëndimor në Ministrinë e Punëve të Jashtme të Britanisë së Madhe, si dhe Susan Laffey, Zyrtare e Lartë e Sektorit të Analizës në Foreign Office.

Në takimin, u zhvillua bashkëbisedim rreth temave aktuale politike në Kosovë, rajon dhe më gjerë, por theks i veçantë iu dha dialogut me Serbinë për arritjen e një marrëveshjeje finale me njohje reciproke.

Zëvendëskryeminisrti Enver Hoxhaj, potencoi se dialogu me Serbinë është pikë shumë e rëndësishme për Qeverinë e Kosovës, në mënyrë që të arrihet marrëveshje e pajtueshme në mes të të dyja shteteve, përfshirë njohjen reciproke.

Hoxhaj potencoi se dialogut i duhet qartësi dhe një kornizë kohore për arritje të marrëveshjes në mes Kosovës dhe Serbisë.

Hoxhaj dhe Page u pajtuan se mbështetja e vendeve të QUINT-it në dialog me Serbinë është tejet e rëndësishme për Kosovën dhe të ardhmen e saj. Andaj, përfshirja e vendeve aleate të Kosovës e sjell zgjidhjen e duhur për vendin dhe rajonin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...