Shqetësuese, pesë vrasje gjatë dhunës në familje brenda gjashtë mujorit të parë - Bota Sot
Shqetësuese, pesë vrasje gjatë dhunës në familje brenda gjashtë mujorit të parë

Aktuale

Shqetësuese, pesë vrasje gjatë dhunës në familje brenda gjashtë mujorit të parë

Më: 17 korrik 2019 Në ora: 22:40
Ilustrim

Kemi raste të dhunës në familje të cilat jo rrallë herë në vendin tonë përfundojnë edhe me fatalitet.

Statistikat tregojnë që dhuna në familje është mjaftë e shprehur në shoqërinë kosovare dhe në format më të ashpra të mundshme. 

Indeksonline ka kontaktuar Policinë e Kosovës lidhur më këtë çështje, ku sipas tyre, në gjashtë mujorin e parë të vitit 2019 janë raportuar gjithsej 785 raste të dhunës në familje në Kosovë dhe lidhur me këtë janë arrestuar 330 persona.

Këto janë të dhënat e autoriteteve të rendit, ku sipas tyre, pjesa më e madhe e viktimave janë femra.

Sipas të dhënave të Policisë së Kosovës, qyteti i Prishtinës prinë me më së shumti raste të dhunës në familje.

Sipas një hulumtimit të bërë nga Rrjeti i Grupit të Grave të Kosovës në vitin 2015 del se 68 për qind të viktimave të dhunës në familje janë gratë, ndërsa 56 për qind e burrave kanë deklaruar se kanë përjetuar dhunë në familje.

Vetëm gjatë këtij viti janë shënuar gjithsej 5 viktima në Kosovë të cilët nga dhuna në familje kanë përfunduar me vrasje.

Ndërsa duke krahasuar me vitin e kaluar, janë raportuar gjithsej 1533 raste të dhunës në familje ku, 8 raste kanë përfunduar me vrasje.

Bazuar në statistikat e Policisë së Kosovës në pesë vitet e fundit ka pasur luhatje të numrit të rasteve të raportuara për dhunë në familje, ku për vitin 2016 janë raportuar gjithsej 1225 raste, në vitin 2015 janë raportuar komplet 1038 raste, në vitin 2014 janë raportuar gjithsej 1179 raste, dhe në vitin 2013 janë raportuar 1087 raste.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...