Deputetja e Vetëvendosjes, Arbërie Nagavci, ka thënë se ndikimet e zyrtarëve qeveritar në punën profesionale të institucioneve të pavarura janë të dëmshme, e njëkohësisht edhe të paparanueshme, shkruan “Bota sot” .
Postimi plotë i Nagavcit:
Ndikimet në punën profesionale të institucioneve të pavarura janë të dëmshme dhe si të tilla të papranueshme, andaj dhe ndikimi i Kryeministrit, Ministrit të Arsimit dhe të tjerëve në vendimet e KSHC, i patolerueshëm.
Përjashtimi i Agjencisë së Kosovës për Akreditim nga asociacioni evropian ENQA për shkak të ndërhyrjes në pavarësinë e saj, do të jetë me pasoja për studentët dhe të rinjët e Kosovës që dëshirojnë të vazhdojnë studimet postdiplomike apo specializime tjera në vendet e BE-së. Diplomat e studentëve tanë do të zhvleftësohen edhe formalisht dhe procedurat për vazhdim të studimeve jashtë vendit do të vështirësohen edhe më shumë.