Veseli: Pa Amerikën s’mund të ketë marrëveshje finale me Serbinë - Bota Sot
Veseli: Pa Amerikën s’mund të ketë marrëveshje finale me Serbinë

Aktuale

Veseli: Pa Amerikën s’mund të ketë marrëveshje finale me Serbinë

Më: 18 korrik 2019 Në ora: 22:13
Kadri Veseli dhe Bob Menendez

Kryetari i Kuvendit të Kosovës, Kadri Veseli ka takuar në Washington, kryetarin e Komisionit për Politikë Jashtme të Senatit Amerikan, senatorin Bob Menendez.

Në këtë takim, Veseli e ka njohur senatorin Menendez me zhvillimet politike në Kosovë dhe rajon, ndërsa e ka falënderuar atë për kontributin dhe rolin mbështetës të Senatit  Amerikan për Republikën e Kosovës.

Temë e diskutimeve në këtë takim ishte edhe procesi i dialogut Kosovë-Serbi dhe rëndësinë që ka për Kosovën involvimi direkt i SHBA-së në këtë proces.

“Pa Amerikën nuk mund të ketë marrëveshje finale ndërmjet Kosovës dhe Serbisë. Involvimi direkt i SHBA-së në këtë proces është qenësor për realizimin e marrëveshjes e cila do të siguron njohjen e pavarësisë së shtetit të pavarur e sovran të Kosovës si dhe ulësen në OKB”, tha Veseli.

Senatori Menendez tha se është shumë me rëndësi që Kosova të jetë e gatshme për fazën finale të dialogut për arritjen e marrëveshjes përfundimtare.

“Ndihem shumë krenar që në vitin 2008 SHBA-të ishin ndër venet e para që njohu pavarësinë e Republikës së Kosovës. Mbështetja e SHBA-së për Kosovën do të vazhdoj edhe në të ardhmen”, tha Menendez.

Kryeparlamentari Veseli ka takuar edhe shumë personalitete tjera të larta gjatë vizitës zyrtare që po zhvillon në Washington me ftesë të Kongresit Amerikan.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...