Deputetja e Lëvizjes Vetëvendosje, Arbërie Nagavci, ka thënë se Qendrat e Mjekësisë Familjare në Gjakovë, po i keqpërdorin bashkëatdhetarët duke i detyruar të paguajnë dyfishin e shërbimeve mjekësore, shkruan “Bota sot”.
Postimi saj i plotë:
Diaspora sjell më shumë se 800 milion euro në vit remitenca,
Qendrat e Mjekësisë Familjare në Komunën e Gjakovës, për të njejtat shërbime që ofrohen me rastin e vizitave mjekësore, nga bashkatdhetarët kërkon më shumë se dyfishin e çmimit.
Nga 1€ sa ka qenë pagesa për vizitën mjekësore në Qendrat e Mjekësisë Familjare në Komunën e Gjakovës, tani është 2€, ndërsa për bashkatdhetarët çmimi që duhet të paguajnë për të njejtën vizitë është 5€.
Bashkatdhetarët tanë, ndonëse kanë mundësi të bëjnë pushimet në vende të ndryshme të botës, zgjedhin Kosovën dhe kthehen në vendlindjet e tyre. Mërgata jonë vazhdon të jetë burim financiar për familjet dhe ekonominë kosovare.
Ndërkaq institucionet tona në vend se të pregatiten për t'i pritur si duhet, u rrisin çmimet edhe për vizitat mjekësore.