Ish-ministri, Bajram Hasani ka reaguar për dorëheqjen e kryeminstrit të Kosovës, Ramush Haradinaj.
Sipas tij, qëndrimet e Haradinajt kanë zbuluar se ai është një burrshtetas.
Me tej ai gjithashtu mendon se ka dyshime për ndonjë skenar dhe mendon se kjo nuk quhet drejtësi – pasi ka dëshmuar pafajësinë edhe më herët.
Ja shkrimi i tij:
“Qëndrimi i Ramush Haradinajt kundër ndarjes së Kosovës, vendosmëria për taksën ndaj mallrave serbe e atyre të Bosnje e Hercegovinës e vendime të tjera të mëdha të tij na bëjnë të kuptojmë se ai është një burrshtetas. Veprimi i sotëm tregon se ai para interesave të pushtetit e ka dashurinë për Kosovën, për të cilën dha shumë.
A ka vend për dyshime për ndonjë skenar? PO KA.
Kjo që po bëhet ndaj Haradinajt nuk quhet drejtësi. Pastërtinë e tij e ka dëshmuar edhe më herët.
Me ty kryeministër Haradinaj”, shkruan Hasani në Facebook.
