Limaj: Ftesa e Speciales për Haradinajn, e padrejtë

Aktuale

Limaj: Ftesa e Speciales për Haradinajn, e padrejtë

Më: 19 korrik 2019 Në ora: 18:43
Fatmir Limaj dhe Ramush Haradinaj

Kryetari i Nismës Socialdemokrate të Kosovës Fatmir Limaj ka reaguar në lidhje me dorëheqjen e kryeministrit të Kosovës Ramush Haradinaj.

Ai në një postim në Facebook ka shkruar se ftesa për intervistë nga Gjykata Speciale është e padrejtë.

Postimi i Limajt:

Ftesa për intervistë nga Gjykata Speciale në cilësinë e të dyshuarit për kryeministrin e qeverisë së Kosovës, Ramush Haradinaj është një ftesë e padrejtë nga një gjykatë e padrejtë, ashtu sikur që janë të padrejta ftesat për drejtues dhe luftëtarë tjerë të UÇK-së. Fatkeqësisht kjo gjykatë është themeluar nga Kuvendi i Kosovës, prandaj alternativa e vetme është përballja me fakte kundër shpifjeve të armiqve të Kosovës! Kosova do ta kaloje me sukses edhe këtë sfidë dhe drejtësia do të ngadhënjejë edhe në këtë rast! FL.

commentFirst article
Sot mund të lexoni Shfletoni kopertinat