Milazim Krasniqi: Nëse ndodh eliminimi politik i Haradinajt, hapën pazare për zhbërjen e Kosovës - Bota Sot
Milazim Krasniqi: Nëse ndodh eliminimi politik i Haradinajt, hapën pazare për zhbërjen e Kosovës

Aktuale

Milazim Krasniqi: Nëse ndodh eliminimi politik i Haradinajt, hapën pazare për zhbërjen e Kosovës

Më: 19 korrik 2019 Në ora: 22:48
Milazim Krasniqi

Profesori dhe ish politikani, Milazim Krasniqi thotë se dorëheqja e Ramush Haradinajt, për shkak të ftesës nga Gjykata Speciale është për keqardhje të thellë, sepse mund të mos jetë vetëm ai cak i goditjes, po i gjithë shteti ynë.

“Si ka ardhë puna deri këtu është çështje që do të diskutohet gjatë, më gjatë se sa që janë jetët tona, siç do të jenë edhe pasojat e (keq)shtetndërtimit. Pavarësisht prej fatit politik e jetësor, Haradinaj do të mbahet mend që deri sa ishte në detyrë, e pengoi projektin e zhbërjes së shtetit të Kosovës dhe rikthimin e ndikimit rus në këto hapësira”, ka shkruar Krasniqi, i cili njëherit është edhe babai i shefit të Grupit Parlamentar të PDK-së, Memli Krasniqi.

Sipas tij, për karrierën e një politikani, që ka qeverisur me duar të lidhura, është trashëgimi solide.

“Duke uruar pafajësinë e tij, sot jam shumë më skeptikë se sa dje për ekzistencën e këtij shteti. Vërtet nuk dëshiroj që me asnjë fjalë ta rëndoj gjendjen edhe ashtu të tejrënduar, por kam frikë se nëse ndodhë eliminimi politik i tij, do ta hapë pistën e pazareve që Kosovën do ta shpienin pashmangshëm drejt zhbërjes”, ka shkruar në fund Krasniqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...