Kreu i Lëvizjes Vetëvendosje, Albin Kurti, sot ka paralajmëruar një konferencë për media ku me shumë gjasë temë do të jetë situata aktuale politike në vend pas dorëheqjes së Ramush Haradinajt nga posti i kryeministrit.
Në konferencën e njoftuar për orën 11:00, bashkë me Kurtin do të dalë edhe nënkryetari i Lëvizjes, Besnik Bisilimi.
Ndryshe, në një reagim të shpejtë pas dorëheqjes së Haradinajt, Kurti deklaroi se ky akt ishte i vonuar dhe me arsye të gabuar.
Sipas tij, Haradinaj kryeministrinë e ka pasur si biçikletë hua nga PDK-ja për të bërë ndonjë xhiro. Ai theksoi nevojën për zgjedhje të reja parlamentare.
