Kryetari i Drenasit, Ramiz Lladrovci, ka thënë se ftesat nga Specialja janë të padrejta.
Lladrovci ka thënë se lufta ishte e drejtë dhe në pajtim me të gjitha normativat ndërkombëtare.
“Ashtu siç ishim bashkë në kohërat më të vështira, edhe sot, jam bashkë me juve dhe shqetësimin Tuaj, Jakup, Bislim, Sokol”, ka shkruar Lladrovci.
Postimi i plotë:
Ftesat për Jakupin, Bislimin dhe Sokolin, nga Gjyqi për të kaluarën tonë krenare, janë ftesa të padrejta.
Lufta jonë ishte e drejtë, në pajtim me të gjitha normat ndërkombëtare, prandaj janë edhe të padrejta.
Shpreh solidaritet të plotë me të ftuarit e këtij gjyqi, kundër ftesave të padrejta, duke qenë fuqishëm i bindur në pafajësinë e tyre.
Fitoren historike të UÇK-së nuk mund ta zbeh asnjë shpifje as armik i lirisë, çlirimit dhe pavarësisë tonë.
Ashtu siç ishim bashkë në kohërat më të vështira, edhe sot, jam bashkë me juve dhe shqetësimin Tuaj, Jakup, Bislim, Sokol!
