Pas dorëheqjes së Ramush Haradinajt nga posti i kryeministrit të Kosovës, është dashur të shpërbëhet Parlamenti i Kosovës dhe të caktohet data e mbajtjes së zgjedhjeve të jashtëzakonshme parlamentare.
Mirëpo, një gjë e tillë nuk po ndodh, e kjo për faktin se zgjedhjet e shpejta kanë dëshmuar se nuk sjellin rezultate.
Kështu vlerëson analisti politik Leon Duhanaj, i cili pohon se zgjedhjet e shpejta vetëm po sjellin bllokada.
Përmes një postimi në Facebook, Duhanaj shprehet se, do të kishte qenë mirë që subjektet politike të i kthehet në mbrojtje interesit të përgjithshëm dhe të i lajnë inatet partiake për pushtet.
Ja postimi i plotë:
Zhvillimet rreth dorëheqjes së Haradinajt, janë pasqyra me e çartë se sa të vegjël jemi. Kosova nuk ka kaçik të konfrontohet me faktorin ndërkombëtarë.
Tani politika e kapadaillëkut dhe, përçarjes nuk do të lejohet të zgjasë, sepse faktori ndërkombëtarë është ngopur me qasjen tonë. Thirrjet nën parullat e partiotizmit, nuk do të kenë mbështetje, sepse e kemi dëshmuar të kundërtën. Ata duan zgjidhje të problemit, këndej do të insistojnë në ndonjë marrëveshje politike të mbrëmshme të përkohshme në formë të një qeverie teknike, e cila e merr dialogun si detyrë dhe e çon deri në fund.
Nuk do të ketë zgjedhje të shpejta sepse kosovarët e kanë dëshmuar se përmes zgjedhjeve, nuk sjellin edhe zgjidhje, përkundrazi, ato sjellin bllokada.
Jam i bindur se për ketë gjë janë në dijeni të gjithë madje edhe vetë z. Haradinaj i cili u detyrua t'i lëshojë rrugë një zhvillimi të tillë. Ndryshe nuk do kishte zvarritje por do të shpërbëhej Parlamenti.
Kishte me qenë mirë, nëse subjektet politike i kthehen në mbrojtje interesit të përgjithshëm dje i lënë interesat partiake për pushtet anash, sepse nëse dështojmë të gjejmë gjuhë të përbashkët rreth interesit kombëtare, zgjidhjet do na servohen në tavolinë dhe do të detyrohemi t'i pranojmë.
