Kryetari i Lëvizjes Vetëvendosje, Albin Kurti në një intervistë të gjatë dhënë për KALLXO.com ka komentuar ftesën e Gjykatës Speciale për kryeministrin në largim, Ramush Haradinajt.
I pyetur se nëse ndjen dhimbje për mënyrën e largimit të Haradinajt nga Qeveria për t’u përballur për të tretën herë me drejtësinë për shkak të luftës së bërë, Kurti thotë se Haradinaj nuk i dhimbset më shumë se sa Sylejman Selimi apo Sokol Dobruna.
“Dhimbja ime është pse ekziston një gjykatë e tillë speciale”, thotë Kurti.
“Vetëm pas kësaj dhimbjeje, më dhimbsen individët e veçantë, por jo Ramush Haradinaj më shumë se Sylejman Selimi apo Sokol Dobruna apo të tjerët”, thotë tutje Kurti.
