Janë me qindra ankesa të qytetarëve të Kosovës ndaj spitaleve në Shkup, por asnjë prej tyre nuk janë marr parasyshë dhe nuk janë shqyrtuar nga autoritetet maqedonase
Udhëheqësi i organizatës “Konsumatori”, Selatin Kaçaniku ka alarmuar se janë qindra ankesa që janë bërë ndaj spitaleve në Shkup nga pacientët kosovarë, por asnjë prej tyre nuk janë shqyrtuar nga autoritetet e Maqedonisë së Veriut.
Kaçaniku ka përmendur rastin e një fëmijë 3 muajsh për të cilin tre mjekë kanë nënshkruar protokoll të rremë me analiza laboratorike poashtu të rrejshme. Për këtë rast, sipas tij, janë njoftuar edhe menaxhmenti i spitalit por ende nuk ka asnjë përgjigje nga ta. Kaçaniku e ka quajtur veprim racist vetëm se fëmija ishte shqiptar.
Lexoni reagimin e tij të plotë:
Qindra ankesa ndaj vepimeve johumane, joprofesionale, përplot dështime në trajtimin e qytetartit konsumator – edhe turist / vizitor, biznesmen, student, udhëtar, tifoz / spektator – edhe pacient në spitalet e Republikës së Maqedonisë Veriore .
Nuk njoh një ankesë që është shqyrtuar vetëm në shëndetsi nga disa qindra syresh ndaj shërbimeve shëndetsore të ” spitaleve ” në Maqedoninë Veriore ?!
Edhe OMBUDSPERSPONI i Maqedonisë Veriore hoqi dorë nga rasti si – ” INKOMPETENT ” ?! Qindra miliona EUR derdhen në xhepat e mashtruesve në mantila të bardhë që na joshin / grishin gjoja se atje mjekët e shëndetsia janë më të avansuara ?!
Imagjinoni: 3 doktorë të shkencave, pas 3 javë zhagitjesh, nënshkruajnë protokolin e rremë / analizat laboratorike të paqena të pacientes 3 muajshe ?! Për rastin ka informatë edhe Holldingu i Spitalt. Nuk ka përgjigje ?! As fëmiu shqiptar 3 muajsh nuk po gëzuaka dinjitet ?!
Veprim racist edhe ndaj fëmiut 3 muajsh ?!
Nuk janë të pakta rastet e indinjimit të qyttarit konsumator, jo vetëm pacient. Kishim probleme edhe me kimikatet, me kosilin, me falsifikimin e dokumentacionit në eksport të prodhimeve nga Sërbia, me…
Importet nga Kosova, pra eksporti ynë injorohet ?! Me sy ndryshe po na shikojnë edhe te ” Destan ” qebapi ?! Çka bën Ambasada e Republikës së Kosovës në Maqedoninë veriore ?
Çfarë detyrash i delegon Ambasadës Ministria e punëve të jashme ? Pse asnjë ambasadë nuk kujdeset për qytetarin konsumator taksapagues – nëse ndodhet e abuzohet, indinjohet në Shtetin të ciln e mbulon Ambasada jonë ?!
Pse MPJ nuk e thërret ambasadorin e Maqedonisë Veriore për t i bërë demarsh ? Pse Qeveria e Kosovës pas shumë rasteve raciste / shovene të përsëritura nuk e viziton ose thërret Qeveenë / KM e Maqedonisë Veriore për t i shikuar raportet tona dhe nivelin e kënaqëshmërisë së këtyre raporteve te qytetari konsumator taksapagues ?
Ky qytetar konsumator taksapagues është edhe gjenerues kryesor i Buxhetit prej nga finansohet edhe Ambasada, MPJ, Qeveria…edhe Kuvendi i Kosovës.
Kush është lodhur, nuk di ose nuk dëshiron të punojë / veprojë mund të shkojë në shtëpi ?!
