Ish-pjesëtari i UÇK-së, Liri Loshi, ka thënë se që nga vdekja e presidentit historik, Ibrahim Rugovës, LDK nuk ka pasur asnjë burrë më të zotin se Fatmir Sejdiun, përcjell “Bota sot.
Këtë e ka bërë të ditur përmes një postimi në Facebook i cili ka shkruar se LDK duhet t’i lerë inatet anash dhe të veprojë arsyeshëm.
Postimi i plotë:
Pas vdekjes së Ibrahim Rugovës LDK nuk e ka pasur një burrë më të zotin se Fatmir Sejdiun. Por, diçka nuk i eci mbarë... Tash po kërkon edhe një shansë. Ky njeri është ende vital dhe është i shkathët edhe për politikë. Nëse LDK-në nuk e merr në dorë gjenerata e re, atëherë Fatmir Sejdiu do të ishte zgjedhja më e mirë nga gjenerata e mesme dhe e vjetër e LDK-së. Kalimi prej Rugovës, Sejdiut e Mustafës e tek Veliu, apo Haziri &company është si kalim nga shala e atit në samar të gomarit. LDK duhet t’i lerë inatet anash dhe të veprojë arsyeshëm. Fatmir Sejdiu në disa pika është më i zoti për politikë se ç’ishte edhe vetë presidenti Rugova.