Ka disa ditë që ka nis konsultimet me partitë politike.
Por, tek Zyra e Presidentit këtë javë u paraqitën vetëm subjektet minoritare.
I pari i vendit, Hashim Thaçi, ende nuk ka ftuar asnjërën nga partitë e mëdha politike.
Në LDK thonë se kurdo që t’i ftojnë, ata do të kërkojnë caktimin e zgjedhjeve.
E zëdhënësi i kësaj partie, Besian Mustafa, nuk është i befasuar se ende nuk kanë marr ftesë.
“Nuk është e çuditshme nëse presidenti e prit LDK, është partia më e madhe…”
Se Presidenti po e zvarritë procesin e konsultimeve e thotë edhe deputetja e Vetëvendosjes, Arbërie Nagavci.
Por, ajo thotë se përveç pritjes së përfundimit të zgjedhjeve në LDK, ka edhe një arsye tjetër.
“Është edhe kjo…por edhe PDK nuk është gati..”..
Ndërkohë, deputeti i AAK-së, Ahmet Isufi, shpreson se konsultimet do të kryhen shpejtë.
“Me u kry shpejtë…që më shku në zgjedhje….”
E presidenti i vendit ende nuk ka dërguar ftesë as në adresë të Nismas Socialdemokrate e PSD.
Për analistin Jakup Azemi, presidenti po neglizhon qëllimisht konsultimet me partitë politike.
Sipas ligjëruesit në Universitetin e Londrës, ka një arsye për këtë.
“Në një rikonfiguracion të LDK me isa mustafën përsëri si lider i saj…do ta mundësonte që Thaçi ta riprogramojë poltikën dhe zgjedhjet…”
T7 ka kërkuar sqarime edhe nga Zyra e Presidentit, se pse nuk janë ftuar ende partitë e mëdha politike në konsultime.
Por, nga ky institucion nuk kanë kthyer asnjë përgjigje.
