AAK i reagon Presidentit: S’bëre mirë që kërkove mandatarin nga PAN

Aktuale

AAK i reagon Presidentit: S’bëre mirë që kërkove mandatarin nga PAN

Më: 2 gusht 2019 Në ora: 14:00
Muharrem Nitaj dhe Ramush Haradinaj

Aleanca për Ardhmërinë e Kosovës iu ka kundërpërgjigjur presidentit të Kosovës, Hashim Thaçit që sot ka dërguar një shkresë zyrtare për bartësit e koalicionit PAN duke iu kërkuar një mandatar të ri për formin e Qeverisë. Në një përgjigje deputeti i AAK-së, Muharrem Nitaj po thonë se partia e kryeministrit në dorëheqje nuk e mbështetë një formulë të tillë.

Përmes një shkrese zyrtare, dërguar bartësve të koalicionit fitues të zgjedhjeve të fundit, presidenti Hashim Thaçi ka kërkuar nga koalicioni PAN që të propozojnë kandidat të ri për të mandatuar për formimin e Qeverisë së Kosovës.

Mirëpo, kjo po kundërshtohet nga partia e udhëhequr nga Ramush Haradinaj.

Në një përgjigje për Express, deputeti i Aleancës për Ardhmërinë e Kosovës, Muharrem Nitaj po thotë se presidenti nuk ka pasur nevojë që të bëjë një gjë të tillë.

“Presidenti, me gjasë edhe formalisht, po don, t’i shfrytëzojë procedurat kushtetuese. Unë jam i bindur që presidenti nuk ka pasur nevojë ta bëjë një gjë të tillë, sepse gjërat janë bukur të qarta dhe shumica absolute janë deklaruar për zgjedhje”, thotë Nitaj.

Megjithatë, deputeti i AAK-së, po thotë se në këtë çështje ka dicka pozitike, e se Aleanca nuk e mbështet krijimin e një qeveri të re, pa shkuar fillimisht në zgjedhje.

 Sidoqoftë, kjo është e drejtë kushtetuese e tij, dhe edhe në këtë lajm ka dicka pozitive, sepse prej sot fillojën afatet kushtetuese të zgjidhjes së krizës politike, pas dorëheqjes së kryeministrit. Ajo që di unë është se Aleanca, nuk do të mbështesë asnjë formulë të krijimit të një qeverie pa zgjedhje të reja!”, deklaroi Nitaj.

commentFirst article
Sot mund të lexoni Shfletoni kopertinat