Nënkryetari i LDK’së, Lutfi Haziri sot pas mbledhjes maratonike të kryesisë ka folur për diskutimet që kanë vazhduar mes tyre, një ditë para Kuvendit të Përgjithshëm zgjedhor.
I pyetur nëse kandidaturat po i mbajnë sekret veç për spektakël dhe vëmendje, Haziri tha se LDK nuk ka nevojë për diçka të tillë.
‘’LDK nuk ka nevojë për spektakël, por nevojë për me e konfirmu procesin zgjedhor dhe peshën që e ka. Pa LDK s’ka as zgjedhje e as zgjidhje. Pa neve, qeveritë rrëzohen dhe bien shumë shpejt. LDK është partia më e hapur në çdo kuptim’’, tha Haziri.
Megjithatë, LDK po harron që kishte arritur të mbajë Qeverinë veç dy vite, pasi u rrëzua me mocion mosbesimi.
LDK nesër pritet të mbajë zgjedhjet. Isa Mustafa është përfolur se do të jetë kandidat konsensual, megjithatë asgjë s’kanë bërë zyrtare nga partia. As kandidaturat e tjera nuk janë shpallur deri më tani.
