Këshilltari i Kadri Veselit, Blerim Latifi, ka reaguar pas zgjedhjes së Isa Mustafës në krye të Lidhjes Demokratike të Kosovës.
Latifi në një postim në Facebook, ka thënë se të rinjtë e LDK-së, janë viktimë e mendjelehtësisë së tyre, përcjell Bota sot.
Sipas tij, ata kanë harruar faktin se Isa Mustafa “qe 40 vite u mbijeton intrigave dhe dramave politike të vendit dhe rajonit”.
Reagimi i Latifit:
Të rinjtë shpesh janë viktima të mendjelehtësisë së tyre! Si kjo “gjenerata e republikës” e LDK-së, siç po e quajnë veten me këtë emër të pakuptimtë. Ua ka marrë mendja se munden lehtë t’ia marrin partinë Isa Mustafës, duke harruar faktin se ai tash e 40 vjet u mbijeton intrigave dhe dramave politike të vendit dhe rajonit.