Kryesia e Kuvendit të Kosovës, në një mbledhje të mbajtur sot, ka vendosur që seanca për shpërbërjen e Kuvendit të mbahet më 22 gusht.
I pakënaqur me këtë vendim, është shprehur deputeti Ilir Deda. Ai ka thënë se Kuvendi mund të shpërbëhet edhe nesër, nëse deklaratat e liderëve për “shkuarje sa më parë në zgjedhje”, janë të vërteta, përcjell Bota sot.
Ai këtë vendim e ka quajtur hajgare.
Postimi i Dedës:
“Sa më parë të shkojmë në zgjedhje” e thënë prej të gjithëve nuk po përputhet shumë me vendimin për shpërbërje të Kuvendit me 22 gusht. Kuvendi mund të shpërbëhet edhe nesër me 6 gusht, nëse me të vërtetë “sa më parë” duhet të shkojmë në zgjedhje. Hajgare.
