Kryetari i ri i sapo zgjedhur i LDK-së, Isa Mustafa, në një intervistë ka thënë se nëse LDK-ja vjen në pushtet, nuk do ta heq taksën me Serbinë.
Pas kësaj deklarate, kanë ardhur reagimet nga AAK-ja.
Zyrtari i kësaj partie, Burim Ramadani, ka thënë se është i dyshimtë nëse LDK-ja dhe Isa Mustafa e kanë seriozisht punën e taksës, teksa ka përmendur “gozhdimet” që i janë bërë Haradinajt.
Postimi i plotë:
Taksa deri në njohje 100 %
Ramush Haradinaj nuk e hoqi taksën dhe nuk u lëkund asnjë sekondë.
Sot, Isa Mustafa i paska duartrokitur Ramushit. Sepse, paska thënë që taksa nuk duhet të hiqet. Shumë mirë. Saktë, kështu duhet.
Por, nuk e di sa seriozisht e ka ai dhe LDK-ja?
E gozhduan për çdo ditë në forma e metoda prej më të këqijave shumëkush në Kosovë, fatkeqësisht dhe çuditshëm.
E vërtetë që herët e vonë, sikurse thotë populli, e drejta triumfon. Qëndrimi i drejtë i Ramush Haradinajt kuptohet mirë nga secili që dëshiron të hapë sytë.
