Kryetari i Lidhjes Demokratike të Kosovës, Isa Mustafa, ka komentuar përsëri kritikat që ia adresoi anëtarja e partisë, Melihate Tërmkolli, pas zgjedhjeve për kryetar.
Tërmkolli e kishte sulmuar ashpër Mustafën, duke ia kujtuar të kaluarën në sistemin komunist, e duke e quajtur “ministër të Rrahman Morinës”.
Mustafa ka thënë në emisionin “Pressing”, se s’mund ta kuptojë Tërmkollin. Ai ka kujtuar se si Tërmkolli i kishte kërkuar të kthehet në LDK, pas disa viteve në Aleancën për Ardhmërinë e Kosovës.
“Nëse unë isha ministër i dikujt, pse kërkoi të kthehet në partinë time?”, ka pyetur Mustafa.
