Momenti kur Hamiti largohet nga këshilli Drejtues i LDK-së

Aktuale

Momenti kur Hamiti largohet nga këshilli Drejtues i LDK-së

Më: 7 gusht 2019 Në ora: 22:30
Sabri Hamiti

Sabri Hamiti, pas 30 vjet kontribut në Lidhjen Demokratike të Kosovës, ka vendosur që të mos vazhdojë të jetë pjesë e Këshillit Drejtues të LDK’së. Vendimin e tij e bëri të ditur në Kuvendin e IX’të të LDK’së ku mori fjalën dhe bëri publike se nuk do të vazhdojë të jetë në strukturat e LDK’së, përveç se anëtar i saj.

Hamiti pas përshëndetjes për të pranishmit, shprehu bindjen e tij se ky formacion që u formua në Kuvendin e IX’të të LDK’së, do të jetë edhe formacion fitues për Kosovën.

Ai falënderoi LDK’në që i ka besuar përsëri që të jetë pjesë e Këshillit Drejtues, por tha “mjaft” se pas 30 vjetëve ai nuk duhet të jetë pjesë e strukturave të LDK’së por vetëm anëtar i saj.  

“Ju përshëndes të gjithëve, jam i bindur se edhe ky formacion që po formohet sot edhe historia e LDK’së, duhet të tregojë që LDK’ja s’mund të jetë tjetër përpos bashkimi i fitores, që duhet të jetë edhe bashkimi i fitores për Kosovën. Faleminderit që më keni vu në listë por unë nuk duhet të jem në listë. Janë bo 30 vjet janë mjaftë, jam anëtar i LDK’së, kaq”

commentFirst article
Sot mund të lexoni Shfletoni kopertinat